(613)                           SOUS LE RÈGNE DE CHARLES VI.                              373
Item, laissa à Perrin Pichon cent solz Parisis et Boece de Consolation .avec son livre du Stile de Parlement.
Item, à messire Nicole de Dole, son filleul, deux frans, et le requiert de deux messes.
Item, laissa à Colin, son filleul, filz de Gilot Chauderon, pour lui aidier à nourrir et faire aprendre àl'escolle ou mestier, dix frans, et une de ses petites cottes doubles et le chapperon, et à tous ses autres filleux et filloles portans son nom, qui apperront dedens ung an après son trespas, à chascun ung franc.
Item, volt et ordonna que toutes ses robes et pennes, excepté celles dont il a ordonné par dessus et cy dessoubz, avecques chausses, cha­peaux, chemises et ses autres habiz de sa personne, soient donnez pour Dieu en l'estat qu'elles seront, ou vendues et l'argent donné et distribué à povres creatures, où l'en verra qu'il sera bien emploié, tant fillettes à marier pour aidier à elles vestir, comme à autres misérables personnes et povres mesnagiers honteux des parroisses Saint Estienne et de la dicte Chapelle Gauthier, et à ses povres parens et serviteurs.
Item, se aucuns arrerages estoient deuz au dit testateur de sa rente à vie de Mailly au temps de son trespassement, il les quicte des main­tenant pour lors.
Item, il laissa aux religieux, prieur et freres du Carme de Paris, afin qu'ilz soient plus astrains de prier et faire unes obseques solennelles pour lui dedens quinzaine après sa mort ou plus tost à l'ordonnance de ses executeurs, dix frans, desquelx les deux seront convertiz en la pitance du couvent et les autres es necessitez de l'eglise.
Item, aus diz religieux de Saincte Genevieve qui feront son service en leur eglise où il doit estre enterré le jour de son enterrement ou obseques et prieront pour lui, quatre frans, desquelx les deux seront pour la pitance du couvent.
Item, laissa aus diz religieux et à leur eglise, pour mettre en leur librairie, et avoir memoire de lui à tousjours et prier pour son ame, son beau livre Catholicon, qui est moult notable.
Item, ordonne encore que, le lendemain de ses obseques que l'en